維港景色天台酒吧 打卡Fusion菜雞尾酒

餐廳有兩層，樓下有室內座位同樓上係室外，都可以睇到維港景，室外露天座位似海灘餐廳咁，好有feel。即使平日都好多人，最好book咗位先去。 🌟KABOOM Sharing Platter $218 如果諗唔到食咩叫小食拼盤都唔錯，一份有薯條、春卷、雞翼、雞尾酒蝦同雞肉串燒，份量好多可以2-3個人share。配咗3款醬汁沙嗲醬、泰式辣醬、千島醬。雞尾酒蝦幾爽彈，春卷好酥脆 🌟Crab Bao Bao $118 用刈包包住炸既原隻軟殼蟹，一份有兩件，每件都好大，熱食口感軟又香脆，加咗辣椒醬，微微香辣 🌟 Go Big Go KABOOM $278 原隻烤雞，雞皮烤到微脆，唔會好油膩，肉質比較實，幾重香料味，份量都好多，另外仲有啲烤蔬菜做配菜 🌟Stone-grilled Grass-fed USDA Prime Ribeye Steak $358 牛扒揀咗5成熟，表面都烤過，肉眼切開好粉嫩，唔算特別厚切，牛扒好重焦香味，幾好食，都有烤蔬菜做配菜 🌟Damn Pissed Of $108 用咗浴缸裝住，做到泡泡浴咁，造型好特別，酒味唔太重 🌟Life sucks, Lets get drunk 呢款係椰子造型，用左個好椰子既杯同葉做裝飾，椰香味幾香 📍KABOOM @kaboom.hk 尖沙咀北京道12A號太子集團中心20樓 #熱門菜式